[82] นเหตุ นอชฺฌตฺโต ธมฺโม เหตุสฺส อชฺฌตฺตสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ)… อารมฺมเณ นว, อธิปติยา อุปนิสฺสเย นว, ปุเรชาเต อตฺถิยา อวิคเต ตีณิฯ

นเหตุ นพหิทฺธา ธมฺโม เหตุสฺส พหิทฺธา ธมฺมสฺส อารมฺมณปจฺจเยน ปจฺจโยฯ (สํขิตฺตํฯ)… อารมฺมเณ นว, อธิปติยา อุปนิสฺสเย นว, ปุเรชาเต อตฺถิยา อวิคเต ตีณิฯ

(อชฺฌตฺตตฺติโก น ลพฺภติ ปฏิจฺจวาราทีสุฯ)

1-21. เหตุทุก-อชฺฌตฺตารมฺมณตฺติกํ

[83] นเหตุํ นอชฺฌตฺตารมฺมณํ ธมฺมํ ปจฺจยา เหตุ อชฺฌตฺตารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิฯ

นเหตุํ นพหิทฺธารมฺมณํ ธมฺมํ ปจฺจยา เหตุ พหิทฺธารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิฯ (อชฺฌตฺตพหิทฺธารมฺมณํ นตฺถิฯ)

1-22. เหตุทุก-สนิทสฺสนตฺติกํ

[84] นเหตุํ นสนิทสฺสนสปฺปฏิฆํ ธมฺมํ ปฏิจฺจ นเหตุ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ

นนเหตุํ นสนิทสฺสนสปฺปฏิฆํ ธมฺมํ ปฏิจฺจ นเหตุ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ

(นเหตุนอนิทสฺสนสปฺปฏิฆมูเลปิ ตีณิเยวฯ)

[85] นเหตุํ นอนิทสฺสนอปฺปฏิฆํ ธมฺมํ ปฏิจฺจ นเหตุ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ เหตุยา เอกํฯ

2-5-22. สเหตุกาทิทุกานิ-สนิทสฺสนตฺติกํ

[86] นสเหตุกํ นสนิทสฺสนสปฺปฏิฆํ ธมฺมํ ปฏิจฺจ อเหตุโก สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ

นอเหตุกํ นสนิทสฺสนสปฺปฏิฆํ ธมฺมํ ปฏิจฺจ อเหตุโก สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ คณิตเกน ตีณิ ปญฺหาฯ

(นสเหตุกนอนิทสฺสนสปฺปฏิฆมูเลปิ ตีณิเยวฯ)

นสเหตุกํ นอนิทสฺสนอปฺปฏิฆํ ธมฺมํ ปฏิจฺจ อเหตุโก อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ เหตุยา เอกํฯ

(นเหตุสมฺปยุตฺตํ นสนิทสฺสนสปฺปฏิฆํ สเหตุกทุกสทิสํฯ ตีณิ ปญฺหาฯ เหตุสเหตุกทุเก จ เหตุเหตุสมฺปยุตฺตทุเก จ ปญฺหา โน ลพฺภติฯ)

6-22. นเหตุสเหตุกทุก-สนิทสฺสนตฺติกํ

[87] นเหตุํ นสเหตุกํ นสนิทสฺสนสปฺปฏิฆํ ธมฺมํ ปฏิจฺจ นเหตุ อเหตุโก สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เหตุยา เอกํฯ

นเหตุํ นอเหตุกํ นสนิทสฺสนสปฺปฏิฆํ ธมฺมํ ปฏิจฺจ นเหตุ อเหตุโก สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ คณิตเกน ตีณิฯ

นเหตุํ นสเหตุกํ นอนิทสฺสนสปฺปฏิฆํ ธมฺมํ ปฏิจฺจ… ตีณิเยวฯ

นเหตุํ นสเหตุกํ นอนิทสฺสนอปฺปฏิฆํ ธมฺมํ ปฏิจฺจ นเหตุ อเหตุโก อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ เหตุยา เอกํฯ

7-8-22. สปฺปจฺจยทุกาทิ-สนิทสฺสนตฺติกํ

[88] นอปฺปจฺจยํ นสนิทสฺสนสปฺปฏิฆํ ธมฺมํ ปฏิจฺจ สปฺปจฺจโย สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เหตุยา เอกํฯ

นอปฺปจฺจยํ นอนิทสฺสนสปฺปฏิฆํ ธมฺมํ ปฏิจฺจ สปฺปจฺจโย อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เหตุยา เอกํฯ

(นอปฺปจฺจยนอนิทสฺสนอปฺปฏิฆมูเลปิ เอกเมวฯ) เหตุยา เอกํ, อธิปติยา เอกํ…เป.… อวิคเต เอกํฯ

(นสงฺขตํ นสปฺปจฺจยสทิสํฯ)

9-22. สนิทสฺสนทุก-สนิทสฺสนตฺติกํ

[89] นสนิทสฺสนํ นสนิทสฺสนสปฺปฏิฆํ ธมฺมํ ปฏิจฺจ สนิทสฺสโน สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เหตุยา เอกํฯ